Return to Index

	
 1. Abakristaayo mwena b’omu nsi,
Nimwimukye n’okushemererwa,
Muhimbise owaabajunire
Owaazaariirwe Betelehemu;
Baamaraika nibo baabandize
Kuhimbis’ Omwan’ ogw’ owaazairwe.

2. Kandi baaba nibo baagambira
Abariisa b’entaama nyekiro,
Bati, Mutatiina, ahabw’okuba’ 
Haazaarwa Yes’ Omujuni waanyu;
Eki Ruhanga yaaraganiise,
Hat’ eri izooba kyahikiirira

3. Ahonaaho haija eihe rihango 
Rya baamaraika nibeeshongora
Ahabw’okugir’ amashemererwa
G’okurang’ okuzaarwa kwa Yesu
N’okukunda kwa Ruhanga waitu
Okwamureeteire kumutuha.

4. Abariisa ku baakihuriire,
Baatandika kugyend’ ahonaaho
Okureeb’ omu nju y’amatungo
Eki Ruhanga yaatukoreire;
Baashangay’ ogwo Mujuni waitu,
Baamuramya nibashemererwa.

5. Naitwe tweyongyere kuhimbisa
Embabazi nyingi z’Omujuni’
Twijukye n’okukunda kwe kwingi
Okwamureetsir’ akatufeera;
Twena tugume tweshongorere
Mukama wait’ ow’ebiro byona.