Return to Index

	
 1. Bantu ‘mwe, mutegy’ matu
Ekyeshongoro kyaitu
Eky’okuhimbisa Yesu
Omwana wa Ruhanga.
Akazaarwa nk’er’ izooba 
Omwishiki oshugaine,
Baamaraika baabuzya 
Amakuru g’okuzaarwa kwe.
Twena ka tuhimbise (X 3)
Yes’ ozairw’ ari Omukama.

2. Krist’ osiimw’ ab’omu iguru,
Nyakusing’ otahwaho,
Waikiriza kwecureeza
N’okuzaarw’ omwishiki.
Ori Ruhanga buzima,
Kand’ ori omuntu nyabuntu,
Waija kutuura naitwe
Nooyetw’ eiziin’ Emanueli.
Twena ka tuhimbise...

3. Ai Mukama w’obusingye,
Okarug’ omu iguru,
Waikiriza kutsigaho
Ekitiinisa kyawe.
Ahabw’okukund’ abantu
Waahinduk’ omuntu nkaitwe,
Ngu obone kutujuna
Omu bibi byaitu byona. 
Twena ka tuhimbise...

4. Iw’ ori Omushana gw’ensi
Gw’okujwer’ amahanga,
Ngu garugy’ omu mwirima,
Gaije gakwehongyere.
Obusingye bub’ omu nsi
Ahabw’okuzaarwa kwawe;
Mbwenu ka tukuramye,
Yes’ Omucunguzi waitu.
Twena ka tuhimbise...