Return to Index
4 |
5
Yesu Mukama twaija kukusiima
|
6 |
Song | Instrumental |
|
|
1. Yesu Mukama, twaija kukusiima
Ahabw'abarikwera baawe boona,
N'eiziina ryawe kurih' ekitiinisa
Nitugira tuti, Aleluya! (X 2)
2. Niiwe waabair' oba Rukiri rwabo,
N'Omwebembezi waab' omu rugamba,
Omu mwirima obamurikira gye;
Tweshongora tuti, Aleluya! (X 2)
3. Nk'oku baabaire barwana mashaija,
Naitwe turwan' okurwan' okurungi,
Tugabirw' ekirunga ky'obusinguzi,
Tubone kwesiima, tuti, Aleluya! (X 2)
4. Omuriiwe tukwatanisa nabo,
Ahabw'okuba twena turi abaawe;
Mbwenu bo hati bari omu kitiinisa,
Nibeeshongora gye, bati, Aleluya! (X 2)
5. Ku tuba niturwana, twafoobeera,
Tuhurir' amaraka gaab' amarungi,
Tugarukwamu amaani g'omu mutima,
Tweshongora tuti, Aleluya! (X 2)
6. Eizooba riri haihi n'okurenga,
Tukatabaaruk' omuri obu bweme,
Tukataah' omu nsi y'oburuhuukiro,
Tukateer' akaari, tuti, Aleluya! (X 2)
7. Haryabaho ekindi kiro kirungi,
Mukama w'ekitiinisa ku ariija
Ashagatiirwe boon' abu yaajunire,
Baije nibeesiima, bati, Aleluya! (X 2)
8. Kand' aryateeran' abantu be boona,
Naabaih' omu mbaju zoon' ez'egi nsi,
Nibasingiza Tataitwe n'Omwana we
N'Omwoy' Orikwera, bati, Aleluya! (X 2