Return to Index
57 |
58
Yesu nkaragaana naiwe
|
59 |
Song | Instrumental |
|
|
1. Yesu, nkaragaana naiwe
Kuguma ndi owaawe,
Ongume haihi obutoosha,
Ai Mukama wangye.
Tinditiina ngamba zoona,
Waaba nondwanaho;
Kandi tindihaba muhanda,
Waaba onyebembeire.
2. Niinyenda kuguma naiwe;
Ku ndaabeihwabeihw' ensi,
Yaaguma neenyetayeta
Kukuhemukaho;
Abazigu bangotsire
Nibenda kuunyita;
Mbwenu ninkutakira, Yesu,
Ondinde batangwisa.
3. Ai Mukam', eiraka ryawe
Rigume niryogamu,
Ndekye kuhurir' agandi
Agarikuhabya.
Ommaremu obwoba bwona,
Ogum' ontegyekye;
Kandi' ogambe naanye, mpurire,
Mbone kukuheereza.
4. Abakukuratira, Yesu
Okabaraganisa
Kubahitsya gy' omu iguru
Owaaw' ei otuura;
Kandi naanye nkaikiriza
Kuguma ndi owaawe;
Ompwere n'embabazi zaawe,
Mukama wangye Yesu.
5. Ai Yesu, ompwere ngyende
Omu kirari kyawe;
Kand' amaani gaawe gonka
Nigo ndikwesiga.
Gum ompabur' omuhanda,
Nkiri omuri egi nsi,
Obone kumpitsy' omu iguru,
Mukam' owankunzire.