Return to Index

	
 1 NNINA-omukwano gwange,ye 
 Yasooka-okwagala nze 
 N'ampalula mu kisa kye,
 Kye kyakkirizisa nze.
 Leero ndi muddu we,naye 
 Abaddu be ba ddembe;
 Nze ndi wuwe,naye wange.
 -Emirembe n'emirembe.

2 Nnina-omukwano gwange,ye 
 Yafa-okundokola nze,
 Kubanga obulamu bwe 
 Ye bwe yagabira nze.
 Nange sikyalina byange,
 Ebyange bibye byonna;
 Neewaayo mu mikono gye,
 Mukwano gwange ddala.

3 Nnina-omukwano gwange,ye 
 Yaweebwa-amaanyi gonna;
 Ge galintuusa ewuwe;
 Sitya balabe bonna.
 Eb'eggulu mbirengedde,
 Bimyansa nnyo nga-effeza:
 Kale nkole,nfube,nnwane! 
 Ye alintendereza.

4 Nnina-omukwano gwange,ye 
 Mulungi,ow'ekisa;
 Angabira ku maanyi ge,
 Annumggamya-era andiisa.
 Ebiriwo n'ebiribaawo 
 Tebirinjawukanya;
 Emirembe-,egitaliggwaawo
 Yesu,mukwano gwange